التجاوز إلى المحتوى
بقلم الشاعر … الحن طليس
المزاد …
ألا أونا _ ألا ديو _ ألا ترى
فتح المزاد يابشر
هاتوا الكبير فيكم
أصغر مافيكم أنا
لكن هوريكم
قرب _قرب_قرب
ألا اونا _ ألا ديو _ ألا ترى
تعالى يالا وشوف
دا كل شئ مكشوف
دا لزوم الشو يا قلبى
ومافيهش لوم و كسوف
دا كله متنكر
على حسب الظروف
دا ياما روحت ادفع
حتى لو تدفع الوف
ألا اونا _ ألا ديو _ألا ترى
متسألنيش عن حلمك
كلام وفعل مافيش
ألا اونا _ الا ديو _ألا ترى
متسألنيش عن بكره
ولحظه صدق وصفالك
ماتنسى وعيش
لانى منيش
هابقالك
ومش بعرف
أعيش غشاش
ومابخبيش
ألا اونا _انا ديو _ألا ترى
بياكلوا مال الناس
وبيدارو فيه
مال الناس كتاس
بيقش اللى حواليه
ألا اونا _ألا ديو _ألا ترى
عجبى عليك يازمن
رفعت ناس اندال
والدنيا حالها مال
والناس مبقتش ناس
واتقلبت الأحوال
ألا اونا _ألا ديو_ألا ترى
جوه قلبى ألم
محتاج لوصفه كلام
على كتفى حمل تقيل
لو شالوا صبر يميل
وقلبى ياناس حزين
ومين معايا يشيل
وتعبت م الأندال
ألا اونا _ألا ديو _ ألا ترى
نفسى أشطب من حياتى
ناس كتير ولا ليها لزمه
موجودين فى الفرح
دايما
مشغولين لو عندى ازمة
ألا أونا _ ألا ديو _ ألا ترى
بس خلاص…!
بقلم الشاعر … الحن طليس
