كلمات الشاعرة
چيهان أحمد النجار
حبك ماكنش مسكن دا حقنة هوا في الروح
حبك مفيش فيه حياه
دا كان طلوع في الروح
يلا كفاية وروح
أبعد بعيد عني هو عشان يعني وقعت من طولي والضعف نسْاني أحلامي وشئوني
وعشت عشان راحتك
ودواية مصلحتك
وانت المنى والشوق
وأقطف وعبي ودوق
أبعد خلاص…..
وانسى وجعي أنا المحقوق
مُت… عشان أحيك
خدت علاج يشفيك
روح الله يجزيك
حسستني بضعفي
وقطعت انفاسي
والله حبيتك ذنبي وبقاسي
وجعي انا المحقوق
ياما بالسنين ضحى وعالج ميول وشقوق
وانت ولا حنيت ولا عنه يوم راضي
قلبك قسي وقويت
ودست ع الماضي
أبعد بقى وسبني قربك ملوش معني
لافي مشاعر ضعف
ولا خوف هيسمعنا
ولا حضن يحينا
ولا دنيا هتسعنا
ولا المسكن دوا
ولا إلا راح هيعود
وفر كلامك كدب
وفر حنانك زور
ما انا كنت بتحايل وانت سايقها غرور
مسطول بنفس الكاس !؟
راجع عشان محتاس فى وجعك الحاير وشوقك الفاير
غدر الحبيب طعنات
طب فاكر اللي فات
جرحي اللي سلخته
شوقي اللي دوخته
املي اللي مات محروق
كان لازم يوم هتدوق
وترجع ونتداول ماهو الوجع ايام مهما بنحاول
راجع بأنهو ضمير
داخل وبتسلم كل اللي عشته معاك شريط وبتألم
راجع عشان متباع
يااااحملي في الأوجاع……
متباع بأرخص سعر
خسارة فيك الشعر وحروفه وقصايده سبت المعاني الأصل ومسكت في مكايده
أبعد بعيد عني / حبك ماكنش مسكن دا سلب الحياه مني .
كلمات الشاعرة
چيهان أحمد النجار
Discussion about this post