التجاوز إلى المحتوى
ليه يازمن
كلمات
الشاعر … رفعت العربي التميمي
غناء الفنان
على عامر
ليه يازمن كبرتني قبل المعاد،
حملك تقل ونا كتفي لسه عليه صغير،
أصحى كده فجأة الاقي شعري شاب،
ولا انت حاسب إللي هعيشه فيك قُصير،
حتى إللي حبيتهم في عمري إختارو البعاد،
وأقرب ماليا من جواه ضميره غَير،
يا سن عمري يامحسوب باليوم عليا،
ليه يحسبوك ووقتي كله فيك ممرر،
كنت بشوف بعيني الفرحة وهي جايا،
وقبل متوصل ليا في الطريق تغير،
قالو زمان ساعة ليك وساعة عليك،
لكن من بختي إللي جه عليا اكتر،
ولا حد في شيلتي يوم قالي هات إيديك،
وإن إحتاجوني بيلاقوني من غير مفكر،
عايش حياتي أدي بس من غير ملاقي،
رامي خيري في بحر ميته دايما تعكر،
وإزاي هتغير ميته العكره السواقي،
دا لو الملح اتكرر الف مرة مهيكون مسكر.
ـــــــــــــــــــــــــــــــــــــــــــــــــــــــــ
كلمات
الشاعر رفعت العربي التميمي
غناء الفنان
على عامر
