التجاوز إلى المحتوى
بقلم الشاعر …الحن_طليس
احنا ناس من صغرنا
لايهمنا المكاسب
والمناصب والغنى
متربيين ع الجدعنه
واللى ياكل بينا لقمه
يبقى واحد مننا
واللى بيخون الرغيف
مش عايزينه وسطنا
اجرى روح اقرا التاريخ
اعرف انت اساسك ايه
دا اللى كان عامل معلم
الزمن علم عليه
يادنيا غاليه على الرخيص
ورخيصه على الغالى
بترخصى الأصيل
والواطى فى العالى
بتبيعى ولا يهمك
ولا تعرفيش العيب
لو هو ده طبعك
يبقى طبعك يادنيا غريب
بتعادى اللى يحبك
واللى يعاديكى حبيب
مابقيتش عايزك خلاص
أصل انتى مش دايمه
على بحر كدب وغش
أندالك عايمه
عجبى على ناس
مات فيهم الإحساس
الجدع بينهم بينداس
شالو الواطى على الراس
بيعيبو فى طبع الرجال
وهما أصلهم أندال
لو كانو رجاله
كان الكلام
فى الوش يتقال
بس الحساب يجمع
لو مهما الوقت طال
بكره الى فات يرجع
الدنيا مش دايمه على حال
#الحن_طليس
