الرواد نيوز …
الست دي اسمها كريمة عبدالله و كانت مشهورة بـ ” فاتنة المعادي ” .. سنة 1955 حصلت على لقب ملكة جمال مصر “و اللي حقيقي تستحقه بجدارة ”
بعد حصولها على اللقب بسنة دخلت عالم السينما ، و كان أول فيلم تشارك فيه هو ” ازاي انساك ” سنة 1956 ، بعدها شاركت في ٧ أفلام
كان معروف عنها انها مُتيمة بـ ” محمد فوزي ” ، و بعد فوزي ما انفصل عن “مديحة يسري” قدرت توصل لـ فوزي و لـ قلب فوزي .. و بالفعل تمت الجوازة على خير ، و ده كان سنة 1959 .. بعد جوازها من فوزي بفترة قليلة بتبدأ رحلة فوزي مع المرض ..
الحقيقة ان الست كريمة كان موقفها جميل * موقف ست مصرية اصيلة بجد * ، الست كريمة اعتزلت التمثيل عشان تهتم بجوزها و تقف جمبه ، مش بس كدا بعدها أخدت زي كورس كدا في التمريض عشان تقوم هي بدور الممرضة ، لانها شافت انها أكيد هتهتم بيه أفضل من أي حد
فوزي كان بيتعالج برا ، كانت لما المرض يشتد عليه و نفسيته تتعب ، بتروح تأجر له معجبات أجنبيات و معجبين عشان نفسيته تتحسن
و فضلت مع فوزي ملازماه سواء في السرير او في سفرياته لبرا للعلاج ، و استمرت معاه طول رحلة العلاج الشاقة لحد وفاته
