مها فتحي تكتب ،،،،،،،،مفيش سلامات!!
كلمات / مها فتحي احمد
مفيش سيلمات
سلامة قلبك الغلبان
ليل صاحي نهار تعبان
سلامة نبضه م التفكير
وسهر الليل
ورسم القلب فيه مفاجات
جواه شخبطة و علامات
وبترفرف كما العصافير
يجوز يمكن من التفكير
وفيه تحليل ….
كمان بيميل
و على إيدي …
شريط حاضن بقوة وخوف
علي وريدي
لاجل يهدِّي ف الدمعات
وآه مخنوقه مكتومة
عايشة بتمتمة و ثبات
خايفة سكاتها يكسرها
ويزوِّد ٠٠٠ نزيفها آهات
واشارة غريبة بتنادي
فينك يالي ناسي الوعد
تايه ليه كدة قصادي
وحارم ف اللقا معادي
وليه بتفوت
ف قلب يموت
ولا حستش بالسكرات
