تحت التوته
كلمات
الشاعر الغنائي أشرف يوسف
كان لينا زمان حكايات
وحاجات مع كام حدوته
و أغاني بقينا نقولها
أنا و انت تحت التوته
فاكر وإيديك في إيديا؟!!
و عنيك بتبص عليا
وانا بحلم بيك وساعتها
كنت سعيده ومبسوطه
ودي كانت وللا
حكايتي
أنا وانت تحت
التوته
كنا بنضحك و نغني
ونعيش بأملنا ف بكره
وكأن دا أصبح حلم
بيجينا و أجمل ذكري
أنا مش ناسيه و فاكراه
و ليلاتي بعيش وياه
وكأن حكايتي معاك
كانت غنوه و حدوته
ودي كانت وللا
حكايتي
أنا وانت تحت
التوته
كان شوقنا هناك يجمعنا
من بعد العصر بحبه
و قلوبنا تدق ساعتها
وندوب في غرام ومحبه
واللي احنا بنحلم بيه
يا حبيبي بنصحي عليه
والفرحه بتستنانا
ومعاها كام زغروته
ودي كانت وللا
حكايتي
أنا وانت تحت
التوته
