التجاوز إلى المحتوى
ماتندمشي …
كلمات
الشاعرة … سماح خليفة
تحاول تعدِل المايلة
وتتقدم وتعمل فَرق
ونهر الجدعنة السايلة
يهيأ مركبك ويزُق
فَتِقنع روحك الشايلة
مافيش غيرها يدوب تلحق
تزود م الحمول أكتر
تبان من بَــرا شاهبندر
تغمّض والدموع تسهر
يبان ضعفك في لحظة صِدق
في نفس اللحظة والثانية
بتلقى طوبة والتانية
بترفض رَصة في البَنية
عليك تنزل ، تسيبلك شق
ما هوش ذنبك ما تزعلشي
زرعت الخير ماتندمشي
كريم ربك ما يغفلشي
شايل لك بالنوايا الرزق
هتلقى الجبر بيداوي
مدام ع الشر مش ناوي
دي كل الدنيا ماتساوي
مدام بتراضي رب الخلق
كلمات
الشاعرة … سماح خليفة
