التجاوز إلى المحتوى
كلمات الشاعر
عبدالله عبدالصبور.
ياملهمه…. يا ملهمه
أرجوكي مره تركزي
أنا أرضي عطشانه لسما
والأرض عايزه مطر عفي
فبلاش تباني وتختفي
ياشعر لسه ماقلتهوش وبجهزه
يلغي القصايد كلها
روح قول لها
انا بكره راح اكتب لها
غنوه كلامها ملائكي
فبلاش اذا سكت الكلام تتلككي
وتسيبي قلبي يندهك
دا مفيش في كوني يشبهك
غير الندي
طب راضيه أتبعتر كده
بين كام قصيده صغيره
كان إيه جري
لو مره واحده تنزلي
حسنك ديوان ؟!
كلمات الشاعر
عبدالله عبدالصبور.
