لسه بيكدب
بقلم مايسه العشى
أنا عدى من عمرى سنين
فرحه وحزن وشوق وأنين
يامه شربت الفرحة ف كاس
عشت بقلبي ما بين الناس
شفت كتير غربه واحساس
وضحك ودمع بيملا العين
وبعد العمر ماعدا خلاص
حاسه انا لسه بضفرتين
طفله ما تعرف يوم تتعكر
ولا لمشاعر غير تتنكر
بفرح اوى لو حتة سكر
كلمه بسكر
وازعل لما بشوف تكشيره
وببقي ف حيره
واتعب اكتر
لما بلاقي حد بيكدب
نفسى ف يوم أتعلم واكبر
ولا اصدقش عيون كدابه
واعرف كل قلوب قلابه
نفسى اقسي من جوايا
علشان اعرف اعيش
يين الناس
من غير احساس
وبعد ده كله
لسه بيكدب
كلمات الشاعرة / مايسه العشى
Maysa Al Ashy
Discussion about this post