القرار بالبُعد مش سهل

كلمات الشاعرة
ناهد الموجي…

القرار بالبُعد مش سهل وبسيط
مهما كان العقل ف التفكيرحويط
البعاد بشبه نزولك بير غويط
موت مُحتم زي غرقك فى المحيط

الحقيقة العوم ف بير البُعد قاسي
المشاعر تجرفك رغم التناسي
تنسى ليه وإزاي ومين غيرك يواسي
قلبك اللي فى يوم ماكان غدار و قاسي
‏
المشاعر كلها بتعلن صراحة
الفشل باعادة النبض بجراحة
وان موت القلب رغم القهرراحة
تدفنه بإيدك بعفوية وسماحة

زٍلة الروح لما تشحت الاهتمام
والجوارح لما تنتظر الكلام
والدقيقة ف الانتظار بتساوي عام
والتحول من حبيب لصديق حرام

كلمات الشاعرة
ناهد الموجي