هنا مقص وهنا مقص

طاهر الشيخ

هنا مقص وهنا مقص
وهنا غلابه ب تترص
هنا مقص وهنا مقص
واحد واقف علينا يبص

انا هنا شايف ناس قاعدين
ع الرصيف مرصوصين
ناس غلابه وطيبين
علي ربهم متوكلين
…
هنا مقص وهنا مقص
هنا غلابه ب تترص
ناس قوتها يوم بيوم
ضحكتهم نقطه ف كوم هموم
ناس حدودها يادوب هدومها
معجونين جو الحياه
بتغمس اوتها بهمومها
يخافوا حتي يقولوا اه
ع الرصيف مرصوصين
مستنين رزق الله
…
وهنا مقص وهنا مقص
هنا غلابه ب تترص
هنا مقص وهنا مقص
ناس غلابه ملهاش حس
…..
طاهر الشيخ