حلم صغير ..،،،،
بقلم الشاعرة منى البابوري
كان حلم صغير
و جاله الوقت عشان يكبر
فيه كل اماني العمر
و احلامي الي ساعات بتتأخر
حلم اترسم على شكل حروف
بين احاسيس القوة و الخوف
بين الضحكة الي من القلب
و بين احساس تاني مش مؤلوف
حلم حلمته و انا نايم و انا صاحي
و كان بشويش بيرسمها في جراحي
و يعمل نفسه بصيص امل
لما يشوفني مليت بالحزن براحي
برغم ان حلم صغير و بريء
الا انه كمل معاي اصعب طريق
و لسى في دروب تانية هنمشيها
باحساس جوانا صادق و عميق
في ناس مناها ابقى ذكرى
و ناس خلتني احلم ببكرة
بس حلمي جردني من كل خوف
و خلاني اشوف الحياة بالف فكرة
الحياة فيها النجاح زي ما فيها الفشل
ناس تدوس عليك لحد ما حلمك يتقتل
و ناس تانية شافت جواك اجمد بطل
و برغم كل دا حلمي الصغير
بقى زي البدر الي اكتمل
بقلم الشاعرة منى البابوري
