بقلم الأديب خالد موسى.
جولة فكر هزت ضمير الناس
طافت بعقلي وزادت التفكير
هيي حكاية نقد للسياس
هل سببوا لاولادنا التعتير
اجنمعوا بحكومة تشكلت اجناس
احزاب شتى ناقصا التدبير
واستنجدوا بمرافقة وحراس
لا صار مثلهم لا بقا بصير
ورثونا الدين والافلاس
وشو ما دخل عا جيوبهم بطير
هانوا الموظف والفقيرا نداس
عا كتافنا تعبو بشيد النير
ومهما حكينا بيلومونا الناس
بيتبعوهم لو تمادوا كثير
يا شعب انت العين انت الراس
ليش ابتليت بموكرة دبابير
يا شعب ليش بتنتخب رياس
لا عندهم رحمةولا صحوة ضمير
مغارة علي بابا وابو النواس
جاروا علينا وبدهم تغيير
قوانين سنوا وما لها مقياس
بفسروا وبيصدقوا التفسير
باعوك باعوا موطنك بنحاس
خلوا حياتك ناطرة المصير
يا شعب يا معتر ويا حساس
قصفوا حياتك لو بعد بكير
خلوك تشكي من الضنا والياءس
من يوم غادرت الطفولة صغير
مساكين قالوا وقاطعين انفاس
بدهم يكونوا من دعاة الخير
واملاكهم بالبحر ما بتنقاس
ما عم بيطلع من جناها خير
وبالبر املا كهم لما بتنداس
بروح ريعها وربحها للغير
ونسيوا البنوك ربحها اكداس
فرضوا ضرائب عالفقير كثير
جابر وحنا مرتضى والياس
عادل وطوني مصطفى وبشير
وان كان كليتهم على المقياس
رح نرحل من الدار عا بكير
خلوا عراسهم زينة الاعراس
لا فرق عندهم بين بيك ومير
ولبسوا زوجاتهم الماس
نادوا التقشف لبسوه للغير
كرسوا اوقاتهم يا ناس
حفلات اكل وسفر ومشاوير
من عهد استقلالنا الوسواس
مسيطر علينا وجاب لنا التعتير
ما عاد تفرق بين راس وراس
كلهم براس القايمة رياس
بروح انكر وبيجي انكير
بروح انكر وبيجي انكير
Discussion about this post