بقلم الشاعره … منى بابوري
يا قلبي صومه صوم
و انسى العتب و اللوم
صوم الي ناسيك
و ما تتفكره و لا يوم
كيفاش تتفكر شكون هاجرك
و ما تجي على باله دوم
يا قلبي الهدا يهديك
من صغري و انا ننصح فيك
كيفاش ما تسمع كلامي
و تعمل عكس ما يرضيك
شوف عنادك وين هزك
لناس عمرها ما حست بيك
ياا قلبي راهو مش معقول
ساكن في داخلي
و عامل روحك مهبول
ما تسمع مني القول
الي ما يتحملك في الشدة
نحيه من حساباتك طول
يا قلبي راهو عيب كبير
فيبالك حب غالي
و انت رامي روحك في بير
مقامك عالي و هو شايفك صغير
بعد عزة نفسك يطيح كل كبير
تحية الي قلبي الصغير الذي اتحمله و يتحملني …
