زي اللي مقطوع
زي اللي مقطوع م الحنين
لما حاصل ضرب جرحك
في الحواس الخمسة يصبح
مش قصيدة
يبقىٰ عمر الآه ما تهطل
من عيونك أسئلة
متخضّبة بسر الشجن
يتوسّدك عزّ اللضىٰ
والطل يلتفّح غُناك
زي اللي مقطوع م الحنين
لخريطة بحدود احتمال
إنك تعيش
يُتمك تجلّي بدون ما تطلب مائدة
تنزل عليك
تنده عليك الشمس روح
فضفض لها وخلّيك هنا
مين اللي حضّر ضله مرّة
وخففُه وسلّم عليك
يا ابو حلم مأنون الشهيق
وانت النوىٰ بيضرب هواك
موّال وجيب-روح اخضرار
شوقك تملّس بالوتر
على عيّلينك كل ليل
ونهار كمنجاته ف رؤاك
لما الوطن
رضىٰ يعتصرهم غربة
مع دفع التمن
كلاليب ضنا
هتطبب إزاي الجناح
لصباهم اللي بينكسر
واهو كله موت
لاجل المطر
يحتل شكوىٰ السنبلات
جرح الحواس الخمسة فيك
كلمات الشاعر
حمدان حلمي
