المونوريل قريباً في مصر

نورا عواجه

حلم وأمل جديد بيتولد مع مشروع ضخم ومهم لدولة معروفة بالزحام وبالتعداد السكاني الكبير زي مصر..
بيتم تنفيذ المونوريل في الأماكن اللي بيصعب فيها تنفيذ خطوط المترو ووسائل النقل السككي .. لأنه بيتميز بإمكانية تنفيذه بالشوارع الضيقة والزحمة.
هيكون عندنا مع شهر أكتوبر اللي جاي .. مونوريل شرق النيل ( العاصمة الادارية )، وده اللي بيربط مدينة نصر بالعاصمة الادارية.. وده بالتبادل مع الخط الثالث للمترو عند محطة الاستاد بشارع يوسف عباس وصولا لشارع الخليفة الظافر والحي السابع مرورا بشارع ذاكر حسين وصولا إلى الوفاء والامل.. وبعدها بيتجه لمحور المشير طنطاوي وشارع التسعين الجنوبي وصولا إلى بيت الوطن .. وبعدها يمر بأحياء العاصمة الادارية الجديدة.
أما مونوريل غرب النيل (6 أكتوبر).. بيربط منطقة المهندسين وامبابة بمدينة 6 أكتوبر.. وده بالتبادل مع الخط الثالث للمترو بمحطة وادي النيل متجها لمحور 26 يوليو وصولا إلى داخل أحياء مدينة 6 أكتوبر.. واللي هينتهي في المنطقة الصناعية بـ 6 أكتوبر.