إحتفال خطوبه الفنانه ملك قوره
بعد ما أعلنت ملك قورة خطوبتها، الجمهور ماكانش فضولي بس يشوف صور الفرحة… لكن السؤال الأكبر كان مين هو يوسف عثمان؟
العريس اللي دخل حياة ملك بعيد تمامًا عن دوشة الشهرة، وفضل طول الفترة اللي فاتت محافظ على خصوصية علاقته بيها، رغم إنه مش شخص بعيد عن الأضواء بشكل كامل.
يوسف عثمان مهندس ورجل أعمال، ونشاطه الأساسي في مجال الأجهزة الكهربائية والمنزلية، وبيشغل منصب “نائب رئيس مجلس إدارة مجموعة يونيون إير”، وسبق له كمان تولي منصب مدير تطوير الأعمال وعضو مجلس إدارة مجموعة “يونيون إير جروب تكنولوجي”
واسمه ظهر في أخبار اقتصادية من سنين، خصوصًا في تصريحات مرتبطة بصناعة الأجهزة الكهربائية، وتأثير أزمة الرقائق الإلكترونية على السوق، وخطط المجموعة للتوسع وتطوير منتجاتها وزيادة التصدير.
لكن رغم كل ده، يوسف اختار يبعد حياته الخاصة عن الإعلام، ومفيش معلومات موثقة كتير عن عمره أو دراسته أو ثروته، وده زوّد فضول الجمهور أكتر بعد إعلان ارتباطه بملك.
أما قصة الحب نفسها، فكانت بعيدة عن الكاميرات والسوشيال ميديا، لحد ما قررا يعلناها رسميًا بالخطوبة.
وفي ليلة الخطوبة، ظهرت ملك قورة مع يوسف في جلسة تصوير رومانسية على البحر، واختارت فستان أبيض مجسم بتفاصيل من الدانتيل والتطريز وذيل طويل، مع لوك ناعم وبسيط زاد من جمال اللحظة.
رفعت للتصميم
