…….نظرة عتاب ……
اللي حوالينا ناس أه من
الأنفاس
الروح بتتنهد وجع نافذ
وكله خلاص
يمكن تكون الأيام رافضه
حلم مش قد المقاس
ولا عمر الروايه مستكترينه
الحراس
مش زي زمان عينيكي ياللي
مش شايفاني
ضاقت حنيتك واتوجهت
لغيري شراعك العايقه
ياويلي م الكراس وسطوره
الثايره
رافضه ليل النسيم وحلمنا
الغالي
ناسينا طيف الغناوي
والترعه سهرانه
تشدي فقد الحبيب والذكرى
حيرانه
بحر غريق قاسي وهمومه
موج عالي
يبعت صريخ صياد سنارته
مقهوره
ماعاد لها دليل في الشط
شقيانه
وكل عيون ناظره الخطوه
والدعوه
خط الرجوع مفيش سبيل
والحرمان خلاص أصيل
كل الدموع تروي شريان
المستحيل
شبعت أزيز الكلمه وفي
زورها غضبانه
الخوف كؤوس على الفم
تتجمهر
وتصبح قلوبنا خلاص م الرعب
منكسره
معدش فينا ياعالم انسان
بيتصدر
كله حاني الظهر متخفي
في الحسره
مطاطي الراس ومسلم
وعوضه على ربه
كل الحكايه خلاص والقصه
محسومه
شبعت عرافة الودع قرايه
في الفاضي
وأنا من كتر أحزاني ماعدت
باتزمر
كناية الاتراح عربون بكا
ونواح
كل اللي جاي عتاب وألوان
من المحضر
شكوى بعرض الحيط
وصبر ع المجادير
بقلمي الشاعر عماد شكري حجازي
الأحد 28/4/2024
Discussion about this post