هدى النحاس تكتب دستور بطعم المر

دستور بطعم المُر

من بين ضلوع الأمل
هَلً الضيا والنور
مغرم وقلبي اتظلم
وشوقي مش معقول
فككت كل العقد
وغزلت حبك نووول
ونزلت بحر الهوي
يمكن فى لحظه أنول
وركبت أنا المركبه
وبدأ حنيني يعوم
وشراعي كان للسما
فاتح إيديه بجنون
الموج ضرب مُهجتي
وأنا نيتي صافية
الضرب كان بيزيد
واتحمله … ….ب عافية
رغم الألم والجرح
أحلامي كات دافية
مسموح ف شرع الهوي
تستخدم …….. النافية
فأنا قلت لا للغدر
وقلت لن أخضع
مفيش مجال للبعد؟
ولا حتي ليه منبع
وشرحت ……….. بالقوة
وصنعت مليون بدر
يحموني…………… م النوة
وفضلت برضو أعوم
وحاولت أنسى اللوم
لقيت سواد وظنون
وشطوط مليها البُوم
ونقيق وصوت مجزوم
ليه خوفي مش مفهوم
وخدتني ………… دواره
الحب ………مش ..فهلوة
ولا لعبه ………..وشطارة
الحب ليه قوانين
واوصافه……………. جبارة
سمعت سومه زمان
فى دارت الأيام
تحلف بكان ياما كان
وعب حليم .. يهتف
بحبه ….. . متكتف
بالعشق………… متكيف
يأمر بأمر الحب
يفتح له ويسلم
أمجاده ليها أصول
الحرف ……….بيعلم
الكلمة عل الاراغول
.تنطق………. وتتكلم
وتروسه………… بِتِعَشق
جوانا مليون ترس
ممنوعة م الإعراب
لا فيها زيف ولا غش
مفتوح له ألفين باب
واضح كمان ع الوش
طب ليه نعيش ف عذاب
………وكأننا اغراب
غابه ماليها إنياب
نسورها لو تنساب
تكسر ضلوع الكل
دستور بطعم المُر
والحب كاس بيمُر
وكاسي كان فاضي
مسكين يا جسر الهوي
بتكب …. ع الفاضي
مزروع بعطر الدوا
وطبيبه مش فاضي
يحصد سنين العمر
يحيي الحنين ويضم
طلع الكلام فاضي
أنا عيشت لحظه ألم
فيها المرار بالكوم
بستان حياتي طرح
والطرح كان مشلول
لا عمره نال الرضا
ولا حتي كان مقبول
توب المحبة اتمرع
والحلم صابه زهول
يا عاشقين القمر
ليه نجمي انا مقفول
يا ضاربين الودع
أنا قلبي زاره الوجع
والفرح بات مهموم
طيب لكنه اتخضع
وان كنت هطلب طلب
هَطلب لقلبي رسول
ينهض يداوي الجرح
يزرع بإيده النور
وإن فات عليا الدور
يحلف له بالمقسوم
يا أعيش معاه الهوي
يا إما أموت مقتول
يا أعيش معاه الهوي
يا إما أموت مقتول

كلمات الشاعرة ✍ هدى النحاس