إحتمال
إحتمال ألقاكي فيا
واحتمال تبقي سراب
تبقي نبضة شوق عفيه
واحتمال ….
تبقي نبضه من عذاب
بس في كل الحالات
إنتي صرخة شوق قويه
ينفجر بيها السكات
ف الجنون انتي البدايه
ف السكون عالم غوايه
ف الغرام والعشق غايه
من عنيكي الحلم يبدأ
جوا حضنك آااااه بصدق
واجمع العمر اللي فات
إنتي نبض الكون ف ذاتي
والحنان اللي ف حياتي
وانفجار الشوق ف قلبي
لهفتي لحظات سكاتي
بين رموشك ببني عشي
وف شفايفك شوق بيشفي
جوا قلب القلب خشي
وامنحي قلبي الثبات .
كلمات الشاعر / نسيم الزراع
