مسكين …

كلمات الشاعرة 

هالة المهدى 

بتلوم ع القلب اللي مليته

افراح وسعاده وشوق

وحنين

ما انت اللي فضلت تكبر

ذاته سنين وسنين

وانت اللي عملت ف حجراته

احلام وبنيت الصرح  

وعليته.. 

متعشق وسط جدار ووتين

ولا عمرك مرة اتخليته

ولا سيبته يدور ما يلاقي

غير حب وعشق 

وجسر متين

وانت المسكين

مخدوع بتشق سواد الليل 

بأهات وأنين

ولا حاسب مره أن خيانته

كات عادة و عايش فيها

مكين

بيخونك وبيشرب دمك

وبيغرق فيه مع كل سحابة 

تعدي عليه

  حتي ولو ساعتين 

والغدر ف دمه بيتعشق

متعود يحكي ويتفاخر

عن كل غرام يدفع له 

بضحكة ونظرة عين

يااااااه… 

غلطان القلب اللي يصدق

في الصدق ويصبح

شايفه اتنين

وشين ف مراية ومكتوبه 

علي كل جبين 

كذاب ومهين. 

ف مسير الحب ها يتظلم

وقناع الطيبة هايتقطع

وينبت غيره قناع

ذئبين

ياااااه.. ده انت المسكين 

وانا هنا باتفرج علي محنه

واستني وشوشك لما تدوب

وسهام الغدر اللي بنيته

ترشق لك تقتل كل 

حنين.

كلمات الشاعرة 

هالة المهدى

Hala M Mahdy