الفول حبيب الشعب .
**************
كلمات الشاعر…. السيد طه
مسحراتي مسحراتي
من مَسْ سِحْرِك
بانْدَه و آهاتِي
عُيون حبيبتي خَضَار آلهي
يا فُول حِراتي
على بيبانِك سهران عشانِك
ف نور ادآنِك وِصَوْلَجَانِك
هاكون ليلاتي رايح وآتي
درويش وشاعر ومصوراتي
مَاسِح حَارَاتِي ومسحراتي
….
يا مصر فُولِك قَايم بواجبه
كل الطوايف فيه استخبوا
القَرنْ يطلع يشهد لربه
حَصَى وحراتي والكل حَبُّه
طبعه اشتراكي و الطبع عاجبه
يا مِسْقَى سِيلي بِطَمِي نِيلي
و سلميلي ع الفول وشعبه
قالتلي واجب من واجباتي
عيون حبيبتي خضار آلهي
يا فول حراتي
………………………
يا فُول وِزَهْرُهُ زي الهلال
طارح وسارح مع العيال
يا قِدْرة طِيبي من نار حبيبي
ده الشوق ملمس مع المدمس
ف السلطانية والصوم ده نية
عَجَمِيَةَ طَعمك زي الملبس
بسم الله غَمِّس زادك ليلاتي
عيون حبيبتي خضار آلهي
يا فول حراتي
………………………
يا فول و زهرك بلون حَمامتي
كبرتْ ف نَقْرك عرفتْ حِكايتي
و أنتَ اللي نَابِت من شَهْد ريِقْهَا
شوف لما طَابِت عن عيني غابت
و أنت اللي وحدك عارف طريقها
قاللي دي صايمة ف الغية قايمة
بتقول معادنا شوال و آتي
عيون حبيبتي خضار آلهي
يا فول حراتي
………………………
يا فول يا عِشٔرَة من يوم وُصُولك
بتسد جُوعي كل أما أجوع
ألقى العيال بيِنْدَهُولَك
تخرج عليهم بألف نُوع
و حِجَاب محمد يوم السبوع
أملاه بِحَبَّك يكبر يِحِبِّك
ف القلب تكبر بين الضلوع
و تبقى صاحبه ويبقى طُولك
و افتح حجابه وحَبْ فُولَك
أعمل به سِبْحَة عليك أسبَّح
كل أما أَمَسِّي ولا أما أصبَّح
السبحة لوز و تسبيحاتي
عيون حبيبتي خضار آلهي
يا فول حراتي
……………………..
يا طبلة قومي و شدي جلدك
يا غاوية دقي من ولد ولدك
و صوتي غاوي طبلك و دقك
أنا اللي عاشق وسهمي راشق
و صوتي شاقق دق الطبول
يا ساكنة حضني و انا باسحَّر
كل أمَّا أقَبِّل ولَّا أمَّا ابَحَّر
دي الطبلة عبلة والقلب عنتر
و الغنوة دبلة و اصبر تنول
يوماً هتفرج حظك يواتي
عيون حبيبتي خضار آلهي
يا فول حراتي
على بيبانِك سهران عشانِك
ف نور آدانِك وصولجانِك
هاكون ليلاتي رايح و آتي
درويش وشاعر ومصوراتي
ماسح
حارآآآآآآآتي
و مسحراتي
كلمات الشاعر
السيد طه
Discussion about this post