كلمات الشاعرة … أسماء كامل
بنعرف ناس ونختارها
وبعد الراحة نخسرها
ونتقابل بناس تانية
وشوش × وشوش
يــا مكـــــــــــتَرها
وِش يبان تقول هادي
و وش جبان وبيعادي
و وش تحسه بالألوان
يغش الكل ويراضي
وييجي زمانّا يصالحنا
بوِش وقَال له ارتاحنا😂
ف ناخد 100 قلم يلـوح
يرجعنا لمطرحـنا
وناخذ مرّة تصويرة
لوِش نقول من الخيرة
تبص الكاميرا وبتضحك
اتاري الوِش كان عيرة
وبيدور الزّمن بينـَـــا
بضحكة تداري ف عنيا
تغطِّي ف دمع بيواسي
في جرح دواه مـا بإدينـا
ونرجع تاني نتعرف
نصدق ناس ونتشرف
ويرجع تاني بينـا يــدور
باينه زمنّا بيخرف
#الزمن_خرّف
كلمات الشاعرة
اسماء كامل
