كلمات الشاعرة
د. وفاء بغدادى
باعمل من خيالى كافيه
وباشرب قهوة من إيدك
وتيجى تقوللى أى كلام
أى كلام أحسه سلام
واشوفك قلب فى الفنجان
واطلب تانى فتزيدنى
وادعى ربنا يزيدك
بجيب الويتر الفنجان
أشوف فوق وشه سهم وقلب
أخاف تجرحنى فاتردد
لكن بارجع أكمل شرب
ويسأل عقلى ليه يعنى.؟
أقول.. أسكت
دى روح مش حرب
صحيح باشربها أنا سادة
بحكم الحزن والعادة
لكن شايفاك كتير سكر
ووش القهوة يضحك لى بصوت عالى
وانا باكتب
وجودك فى حياتى أيمان
غيابك مصطلح منكر
ييقوللى خلاص بقى فوقى
دموعك مطرت فوقى
وخلت وشى ييتعكر
صحيح الشعر كداب
فى كل قصيدة يتهكر
نصيحة
إبعدى قلبك
وحاولى تشترى سكر
كلمات الشاعرة
د. وفاء بغدادى
Wafaa Boghdady
Discussion about this post