عيد الإستقلال

بمناسبة عيد الاستقلال
حب التسلط كرس التعيين
عهد البشير وعز فخر الدين
كانت لنا كلمة ومتحدين
نلنا السيادة والسعادة هون
اعتز الجبل وامتاز بيت الدين
صرنا امارة معبيين الكون
مانفرق بين دين ودين
اجت السياسة اللي ما الها لون
اجتاحت بلدنا وشلت التفكير
وحب التسلط كرس التعيين

نلنا ببلدنا نسمة استقلالنا
وبين الدول صرنا منقشع حالنا
بالدم ضحينا بشباب مكرمين
وعالمشانق علقوا ابطالنا
قلنا خلصنا من طغاة وظالمين
وبعد الشقا ارتحنا وصفا موالنا
لكن بعد ما مرت علينا السنين
صرنا قبائل للديانة محزبين
ما همها غير قهرنا واذلالنا

لبنان يا مهد العلم والنور
فيك الحرف جاوز جبيل وصور
كنت المعلم والحضارة فيك
والنور غطى العتم والديجور
اجتزت بعلومك بحر الاطلانتيك
لما هدر عا شاطئك بابور
كيف بدي بالرضا كافيك
وما في حدا بالمعرفة يضاهيك
ولا مثلك استحليت بالمعمور

يا شعب لبنان الابي اعتزيت
لما دعاك الواجب ولبيت
شفنا الرجولة والبطولة فيك
وما ضل رافض للندا ولا بيت
مليون مليونين ما بيكفيك
كل الطوائف ثارت وعبيت
كل ساحات الوغى تحميك
من كل فاسد بالبلد يؤذيك
ياءكل اموال الشعب عالسكيت

لبنان جنة وارزها عنوان
بالسحر بالتكوين بالبنيان
مناخك طبيعي والمصايف فيك
هي الدليل واعطت العنوان
كيف بدنا للوفا نكافيك
وتحمي حدودك خيرة الشبان
غير منحافظ على مباديك
ونكرم استقلالك ونرضيك
يا مركز الاشعاع للانسان

الشاعر خالد موسى