كلمات الشاعرة …نادية البسيونى
——————
سوق الحلاوة اللى اتنصب
راكن حموله ع القصب
واللى زرع واللى حصد
مد بمداده ميت عصب
سوق الحلاوه يا بلح
أخضر وعمره ما جرح
وازاى نشوفه ينجرح
أحمر بدمه ينطرح
يا نخل عالى فى السما
زادت حلاوتك بالنوى
والقلب مهما ينكوى
تحلى مرارته فى الهوى
يا نَبْقِ صبرك ع البلد
ده الحلم لسه بيتولد
والأرض إيه من غير ولد
عنقود يحابى ع الوتد
ناعسة الأصيلة والسند
صبرت وقالت:يا بلد
الحب أغلى من الدهب
واللى بإيده كان وهب
قادر يصون اللى اتوهب
سوق الحلاوة …
مجلة ثقافية اجتماعية فكرية لا تتوخى الربح ، وتهدف لرفع مستوى الانسان بشكل عام وتمتين الصلات بين المثقفين ، ودعم الطاقة الشابة الناشطة في الشأن الاجتماعي .
Discussion about this post