إلى روحِ سيدى الذى رحل

المرحوم الشاعر  السيد غازى

وما زال الشعرُ يغبطُني عليه

إلى الفرد البهاء …

الموت ما كانش معدّي ع الموّال

هو اللي نادىٰ عليه وقال له تعال

شبّاكي فاتحُه وبابي مش مقفول

محتاج أمدد حبة واصبح عال

شوف صبّي أهوه والشعر وأسايا

ولا حرف إلا كتبته بدمايا

فبلغت بس بلغت في الغُربة

فرد البهاء وعروجي لسمايا

ساعة يشوفني الطير لا يطوي جناح

وافتح آفاق للبحر والملاح

البحر يرسم زُرقته لعيون

تعشق كعشق الورد للإصباح

ملاح يصاحبه البحر ويعاهده

على إنه يعرف منه لو عايزه

إزاي منامة ف خدّه يفتحها

للصب الاسمر والقصيد عنده

تراتيل دموع السنبلات جواه

النيل في قلبه لوحده غنىٰ غناه

فما كانش إلا نجاشي في الحضرة

قناديل يقيدها بوِرد زيتها هواه

( من أين تبدأ ) والمُخاطب باح

بالسر كحل شموس في طرف مِلاح

فرّت ولكن كان فرارها إليه

كان يومها جمعة وم الجراج ارتاح

كلمات الشاعر

حمدان حلمي

ملكوت