متبوع بالجرر … يا ناقد الشعر

(متبوع بالجرر … يا ناقد الشعر )

بقلم الشاعر    توفيق بن محمد…

ناي داي لا تڨدر جمال تڨلّـــه

سحن كبدتي تسعه سنين بالهلّـــة

لا يڨدره من ثمّا

لا يڨدروه جلاص لا ورغمّة

تخلطت مع الدم يجري سمّه

في عرڨ ما ثمش طبيب يدلّــه

في عرڨ سمه تخبّى

ذوّب كبدتي و الڨليب تهبّى

ناي داي ما تڨدراش الطبّــة

إداويه كان فاطمة سبب العلّـــة

إداويه كانش هي

سبب دركي و ليعتي و ما بيا

طفلة صغيرة مأصلة عربية

زين الطبايع و الڨدر لي تعلّـــى

لا تڨدره رجّالة

و لا تڨدره فرسان لا خيّالة

ناي داي من شبحة عيون غزالة

تذيل شفرها صواريخ من خزب اللــه

ناي داي من شرّادة

سود الهذب أم العيون سرادة

من غثها ماخذ الليل سوادة

بصهد جبينها يطيب خبز الملــة

لا يڨدروه الذرّي

ناي داي في الغفران للمعرّي

غادي مرسوم بالحبر السرّي

من ماضي ڨديم فات و ولّــى

لا تڨدره غنّاية

لا داهم مهما كبر يبلغ دايا

شاعر جمل نسختها مشكايا

الشكوة لغير الله كان مذلّــة

بقلم الشاعر ….توفيق بن محمد