ب فرنكين …!!

بقلم … الحسناء سليمان ٢٠٢٣/٢/١٤

بِبيعوا وطنُن ب فرنكين
الّي مانو ع عقدّ المسؤوليّةيتنحّى
بالشّتي غرقاني الطّرقات
بيشتري الميّ العطشان
والشّعب مخدّر ومتل الحكّام
معقولة تكون ضيعة مِسْمِيّة ع فلان
وال فلان نايم ونعسان
بيترك صاحب المولد يتحكّم بالإنسان
نايم ع حرير ومانو سئلان
والجداد الّي انتخبوهن النّاس
أكترهم بالكرسي طمعان
لا كهربا ولا حياة والفقير تعبان
والشّريف خجلان
ما بيقدر يعمل شي بين “الزّعران “(عذرًا على الكلمة، قد طفح الكيل )
إذا كِنِتْ عن إحكي ((غلط )) بدنا للغلط برهان
إذا كان كلّ مسؤول بمكان ساكت
بيحكي بصوت واطي وبالوعود ملفان
خلصنا بقا لا الرّجال بتحكي ولا النّسوان
شعبْ منّن تجار والتّعبان جبان
انتفضوا ، احكوا ، اعملوا شي
وع إسمكن عن يشحدوا
آمتين كان هيك لبنان
تربّينا عالكرامة والعنفوان
الي مانو ع قَدْ المسؤوليّة
يتنحّى يمكن غيره يكون قلبه بالوفى شعلان