تاليف ورسوم :
سلمى صوفاناتي
( وشك .. زي افاك )
كان ياما كان .. في سالف الازمان .. ولايحلى الكلام .. الا بذكر النبي عليه الصلاة والسلام ..
في ناس .. خرجوا للدنيا بوجهين ولسانين .. وربنا يسترنا من ذو الوجهين .. قلوبهم سودة ومعتكرة .. ووجوهم عاملة زي المي العكرة ..وياما ناس وناس بينسوا انو اصلهم فقرا . ولما بيعلوا ويشبعوا جيوبهم بيبيعوا العشرة .. مش حطول بالتقديم .. ولاحقلب لا بالجديد ولا بالقديم .. حكايتنا النهارده ابطالها شخصيتين .. شحات وعربية نقل ..مش حنحيد لا شمال ولا يمين . حنعدي دغري .. ودي اصول الشغل ..قصر الكلام :
كان في عربية نقل كبيرة .. انيقة ونضيفة وجميلة .. كانت كل يوم بتعدي جمب الكوبري وتلمح الشحات حصب الله .. مادد ايده للرايح والجاي .. وطالب الاجر على الله ..
وبيوم من ذات الايام .. لمعت ببالها فكرة انها تساعده .. بدل ماله متصربع كده .. متسمر زي عامود الكهربا لاحركة ولا بركة ..قالتله ياحسبو متيجي تشتغل معاي بدل وقفتك كده متبهدل وبتتسكع هنا وهنا عشان اللقمة .. قلها اقسم من تلت ليال مافتش لببتي لاعيش ولارز ولا حتة لحمة .. قالتله يبقى تشتغل معاي .. البسك وهندمك وقدمك للمجتمع باجمل صورة .. اعمل منك نجم .. واخرجك للنور من بعد العتم .. واللي ربنا يرزقنا بيه نقسمه بالنص .. مهو اصل اللقمة الهنية .. بتوكل مية .. هز براسه حصبو وقلها على بركة الله .. دارت الايام .. وفضل حصبو يشتغل مع عربية النقل . . في الليل والنهار .. وزي مايقول المتل : دوام الحال .. من المحال .. فسبحان مغير الاحوال .. من حال الى حال .. وبيوم من ذات الايام تعبت العربية وجتلها نزلة برد ..وحبت تاخد اجازة يومين تلاتة .. وبدل ما يسال صاحبنا عن حالها واحوالها .. فضل يعيرها بانها بقت عجوزة مكعبلة .. وخرده قديمة ومنيلة .. وبساعة ماقدرتش تضبط اعصابها .. اتعصبت وخرجت تسرخ .. ياجزمة ياقديمة .. اللي مالكش قيمة .. اديتك المفتاح .. وافتكرتك من اهل الفلاح .. مطمرش فيك المعروف .. وماطلعش من اهل الصلاح .. قلها : متحلي عني ياولية ياقرشانة هو انا ناقصك يعني .. قالتله يبقى نفض الشركة .. بعد كده لا اكلمك ولا تكلمني .. قربت منه وبخفة قلعته الغرافتة ولبستها .. وياعيني لما بعدته عن الشنطة وتربستها .. قلتله ياجزمة .. ياقديمة .. اللي مالكش قيمة مش عاوزة اشوفك تاني .. ورجع صاحبنا شحات زي الأول واكتر .. وده جزاء كل ناكر العشرة متكبر ..
Discussion about this post