ليله الدخله والحنه والخلافه تراث وتقاليد بسيطه تجمع الأهل والأصدقاء وتقرب صله الرحم .بإسنا .

ليله الدخله والحنه والخلافه تراث وتقاليد بسيطه تجمع الأهل والأصدقاء وتقرب صله الرحم .بإسنا .

كتب / ادم حسن

من داخل افراح الصعيد وبالتحديد فى نجع الشيخ فضيل باسنا جنوب الأقصر
على دعوة كريمه من الشاعر محمود خضيرى وال خضيرى.

مع فرح العريس/ مصطفى ابراهيم أبو المجد مسعود خضيري
منذ مئات السنين لا زالت التقاليد والعادات الجميله التى تجمع الأهل الافراح تبدأ قبل الدخله بيوم ودائما ما يكون فى هذة الليله الذكر والمديح وكان المديح مع المنشد الشيخ السنوسى
وقبل البدٱ يتم دخول الاهل والاصحاب لتناول طعام العشاء ثم يبدأ المديح
ويأتي اليوم الثانى ويتم التجهيز للحنه الخلافه بعد صلاة الظهر.

وعن الحنه والخلافه كان لما لقاء مع الشاعر الكبير محمود جاد خضيرى قريب العريس وتحدث بلغه العامه الجميله التى يفهمها كل منا حيث قال
…….
عصرية الحنه أو الخلافه زي ما بنسميها عندنا ، بتتعمل ليلة الدخله في العصر بنجيب العريس ونسويله قد تشت حنه وندهنله جسمه بيه بياخد حمام كامل حنه يعني وبعديها بيطلع في الشارع للخلافه
الخلافه بقى بيكون واحد ماسك مايك بيخلف في المايكروفون وبيقول ” خالفون عليكم يا محبين النبي والملايكه تصلي على النبي واتفضلوا خلافة الخير ” وبعديها بياجي الاهل والاحباب الجيران بيرموا نقطه حاجه رمزية جدا كنوع من التحيه فيروح ال ماسك المايك يذكر الناس ال نقطت ويدعو لهم بنفس الصيغه ال بيخلف بيها مثالا لو حد نقط ولسا ما تجوزش يقوله وفلان يكرمه ببنت الحلال ولو وااحد متجوز مثلا ولسا مخلفش يقوله وفلان يعوض عليه ب ولدين تلاته لو حد متجوز وتمام يقوله وياخد وامه ومرته ويروح الحجاز وبعد كدا بينهي ب انفضلوا خلافة الخير ،وبعديها بياذن العصر بتخلص الخلافه وبيطلع العريس واصحابوا على النيل يغسلوا نفسهم من الحنه وبعديها يرجع يكملوا يومهم عادي ويحضروا نفسهم ليلة الزفاف يمكن العادة دي شبه اتلغت في بعض محافظات الصعيد لكن ما زالت موجوده عندنا في اسنا جنوب لاقصر وبنعتز بيها كمان ف كونك انك تشوف دا تخلف يبقى دا بمنظورك انت السطحي
أنما العادات دي هي ال بتحيي فينا الائتلاف والمحبه وبنعتز بيها قوي وليها معاني جميله كلها حب ابعد حتى منظوركم ليها
……
عادات لها أثر كبير وانعكاس للمحبه في قلوب الأهل الاحباب و الجيران التفاصيل ال بتحصل في الحاجات دي كفيله أنها تولف بين قلوب الناس وتوصل صله الرحم وتجمع البعيد بالبساطه ال حضرتك شايافها فهذا من وجهة نظري قمة الروقي في الفرح حتى وإن كان البعض ينظرون إليه بمنظور آخر

وفى نهايه لقاءنا فى فرح العريس
مصطفى ابراهيم أبو المجد مسعود خضيرى
نشكر الشاعر الكبير
محمود جاد خضيرى
وكل التوفيق للعريس وأهل العريس