بقلم … شيماء محمد
« أُمى »
لو كُنت أعرف يوم بفراقك
كنت مِسكت نجوم وحاصرتك
شمس نهارى غَيم نُورى
وضلمه يومى غِيوم مدفونه
كل طريقى مطب يِكعبل
كـنتى حمايتى وبركه يومى
أيوه فراقك طال وفقدت
كلمه روحى يابنتى ينور يومك
ماشيه بتجرى وسايبه جروحى
مين يداويها غير أحضانك
نبض قلبى بقى مقتول
ودمى يوماتى ينادى عليكى
عايشه بروح مدبوحه مكسوره
وعُكازى مايل إشاراته
كل سنينى ورق دبلان
مكتوب عليه عناوينى
تايهه فى بحر غَويط
مطلوب ناجد ينجد قلب غريق
قلت هعيش وأكون وياكى
ولحظه تُرد جبال مهدوده
ألمس روحك ريحتك قلبك
حضنك دافى يطابى جُروحى
قلتى هتمشى ومشورتيش
جبتى قرار البعد الساعى
اللى بياخد العمر ويطرح
روح جَناتى بعيد عن روحنا
قلتى سلام على العيشه الصعبه
وعِيشتى ومُتى وراضيه عليا
بس فراقك صعب أكيد
بقلم … شيماء محمد
Discussion about this post