الحق حق 

الحق حق

 

بقلم/ رائد جبار الذهبي

 

الحق حق

واضح

وضوح الشمس

مش محتاج لف ودوران

 

شاور قلبك

وامشي وراه

وهو يدلك ع العنوان

 

يبقى احساس عزه

ويمليك

يدي حياتك خير وأمان

 

وإثبت خلي ثباتك

قوه

تشعل من جواك بركان

 

خليك زي وتد

في الأرض

ولابتهاب كائن من كان

 

أما تعيش مرفوع

الراس

أو بتموت مذلول وجبان

 

أوعاك مره تخاف

أو تضعف

ولاترضاش إنك تتهان

 

علي ف صوت الحق

وزيد

قول الحق ف كل زمان

 

خلي يكونلك بصمه

ودور

وأملي مكانك في الميدان

 

خلي شعارك حب

المولى

عمر صدرك بالقران

 

خلي الصبر يكون

ده سلاحك

عيش بكرامه وعيش انسان

 

خلي ايامك تفخر

بيك

واعمل خير تلقى الإحسان

 

خليك دوغري ف كل

مواقفك

واحمل أخلاق الفرسان

 

خليك صابر مهما

تلاقي

ومهما تشوف

مهما بتدفع من أثمان

 

مهما ظلام الليل

بيطول

شمسك حتنور وتبان

 

خلي اصرارك يسبق

خطوك

وضميرك دايما صحيان

 

كلو بيتسجل في

ميزانك

أو ف حسابك

اسعى وسجل في الميزان

 

واقبض على جمرك

واستحمل

واتمسك قدر الإمكان

 

حدد هدفك وانجز

خلص

وافتح لطموحك بابين

 

ارسم حلمك واعله

بشانك

ولاتفضل طي النسيان

 

حرر نفسك من

الخوف

واعلن رفضك للخذلان

 

اجري وسابق زمنك

يلا

واتركها لواحد ديان

 

عافر وبلاش يأس

يصيبك

ووجودك يبقالو كيان

 

انصر غزه بكل

ماعندك

أو مالديك ..

ده جهادك فرض وإيمان

 

غزه بداية نصر

الأمه

ونهاية كل الطغيان

 

غزه أساس كل

حكايتنا

وفلسطين فخر الأوطان

 

غزه الأصل ونهج

وغايه

وهي الأولى وفي الحسبان

 

غزه الفيصل بين

نقيضين

بين الرابح والخسران

 

غزه خيار كل

الأحرار

غنوه اتغنت أحلى

ألحان

 

غزه المحور وسط

الكون

واعجوبة أبين الأكوان

 

قولها وكرر تحيا

غزه

ومليون تحيا

قولها وسمع كل مكان

 

قولها وكرر تحيا

غزه

حره أبيه

تحيا غزه كمان وكمان

 

بكره عدوك حتماً

يركع

والغلبه اتكون للشجعان

 

رائد جبار الذهبي