قلوب الناس

قلوب الناس بقت صعبه

مشاعرهم بقت باهته
وغابت عنهم الضحكه
بقوا تايهين
فيهم اللى بينخدع
واللى طبعه كان الغش
كمان برضه بمليون وش
كله زى كومه قش
مرميين علي مصرف
على الغلبان بنستقوي
ومين سابق ومين أقوى
نسينا الشرع والتقوى
ويوم الدين
هتعرف وانت فى الشدة
مين الطيب ومين ملعون
وهتشوف اللى بـان موسى
وفى الآخر طلع فرعون
وراح تلقى الأصيل جداً
يكون جنبك منين ما تكون
بفضله هتقوى وتكمل
وهيكون لك سند فى الكون
اما الخسيس
فى قلة أصله متأصل
وأول مبادؤه انه يخون
فيه حد كنت بتعشقه وتفديه بعينيك
رهن لإشارته وِان أمر بتقول آمين
اهو ده اللى قربه يجلب لك عذاب الكون
و جنبه العمر يتسرق وتضيع في قربه سنين
دا بغباؤه يجبرنا ونتراجع
ماسألش عنك بعدها طب روحت فين
دا حد قاصد يخسرك ويضحى بيك
شافك قصاده بتحتضر ولا خاف عليك
فى غدره عشرة على عشرة
ما حدش يوم خان العشرة
الا ابن الحرام والدون
ابعد …!
فمش كل بعد بيكسرك ويهد فيك
فيه بعد حلو بينجدك من شئ آذيك
واللى انت عيشته من وجع خلاك تخاف
انك تقرب م البشر من غير حساب
خوض التجارب علمك تفضل بعيد
وتكون وحيد بس فى امان
لساك حزين !!
انسى اللى كان
فى يـوم هتمر بالمحنه
لكـن بالصبر كله يهون
بس المهم فى قصتك انك نجيت
والبعد طبب كفتك وبجد عاش
انك ماسيبتش يوم غبى يعلم عليك

بقلم الشاعر/ محمد طليس

#الحن_طليس