الشاعر الإعلامي عاطف عبد الحميد يكتب نزل الستار

شُفت الطريـــق من أولُــــه
حاولـت تأجيـــل النهايــــه
يمكن زمـــــانى يحٓــوِّلُــــه
ويزيــد تفاصيل الحكايه
نزل الســــتار ف المفتــرق
على ناصيُـــة الحلم الورق
ما بقـاش خــبر للمبتـــــدا
غير إنه مش بايـــــن ورايا
…..
لَمّ الخريف ورقُـــه الكفيـف
و الفرع عريـــان ع الشجــر
بس الشتا محتـــــاج لِصيف
و الليـل بِيســـأل ع القمــــر
متغرّبـــين جِـــــوا البـــــدن
ومافيش مابين الموج وطن
و على الشطــــوط لو اتركن
ملــــقاش لأحــــلامى ٱثــــر
…..
الحِسبـــه لو كانــــت غلـــط
كـــــل البدايـــــل ممكنـــــه
وإن كــان زمانِـــك يتظبـــط
من غيرى عيــدى الازمنــــه
ايه يعنى لو أسمى اتحذف؟
و السطر من حـرفين نـزف؟
علشـــان تعـــــدى المنعطــف
و كأنـــــى مـاكنتــش هـــــنا
…..
كلمات الشاعر
الاعلامى عاطف عبد الحميد