وبخبى دموعى ف ضحكة جنان
وأقفل على لوعة قلبي بيبان
وببان قدام الناس إنسان
عايش فرحان
وانا جوه ف قلبى مدن أحزان
وانا ارضى بتشكى من الحرمان
..
أنا بسقى الناس من نبع حنان
وببات عطشان
ولا إيد بتطبطب على وجعى
ولا قلب حنون بيونسنى ف ليل الحرمان!
وبشوف الطير ..
فرحانه تغنى على الأغصان
بحلم يبقالى جناح وأطير
فى براح الكون
وأشوف الدنيا كما البستان
مليان بزهور أشكال وألوان
أنا أصلى بحب الحريه
وبحب الحب شموعه تقيد
والفرحة تعم ف كل مكان
وبحب الكون وجمال الكون
وبحب أكون…
ورداية بأجمل شكل ولون
بالعطر أفوح ونسيمي يعدى
وتملا الفرحه قلوب وعيون
كلمات الشاعرة
هالة العكرمى
Hala El Ekremy
Discussion about this post