لو هتعشق  

مش مهم القلب يعشق

ولاّ يفضل عمره خالى

المهمّ  لما يعشق

انه يعشق حد غالى

حد بيبادله المشاعر

نجم ساطع ف العلالى

اغلى من كل الجواهر

احلى من قمر الليالى

حد حَب القُرب منه

مستحيل يستغنىَ عنه

يبقى ساكن جوه حضنه

بالسنين مش راح يهاجر

إن فِرح  يِفرح لفرْحه

وان حِزن يحزن لحزنه

ف الوجع بيداوي جرحه

ويبقي وقت الشدة قادر

يسمعه وقت اما يحكى

يمحى دمعه لما يبكى

حتى من قبل اما يشكى

يبقي حاسس بيه وشاعر

هو ده الحد اللي يسعد

مش بيخلف لما يوعد

مهما يحصل مش بيبعد

اصل طبع العشق واعر

كلمات الشاعرة

حنان الجوهرى

Hanan El Gohary