كلمات الشاعرة

 عفاف أحمد التركى

معلِش …

أيام ما كان الرضا..

أوضتين واغنية 

وكانت النية ..

ستر وغطا.. واحضان

وكنت درويشكم

 ومشيت علي الميّة

اغرق فـ شبر خداع..

 واحصد وجع فدّان؟؟

مين فينا عاش متخان ؟؟..

شاطبه الدموع م العين..

وضحكت في الفنجان

ناصبة القلوع ع الوجع..

 ماعرفتش الالوان

صوان يا قلبه اللي حيلتى ..

يا دمعتينى .. وتجلّى 

يا تُقل همّى وشيلتى

يا سفينتى بحرِّك معلّى

وحدانى ناسي .وعيلتى

ومزحوم غناوي ..يا خلِّى

ومكتفة الأحزان..

أيام ما كان الرضا..

اسهل ما في الإمكان

    كلمات الشاعرة

 عفاف أحمد التركى