لسه صغيرة …

بقلم .. صبري رسلان

لسه صغيرة ( 173)

……………

حاسه إن عيونه هتتكلم

وأنا فايته قصادة 

والشوق بيقوللي  

عليه أسلم ما هو حن فؤاده  

ما أعرفش إزاي قلبي وعيني 

لهواه شدوني  

لا أتكلم ولا حتى شاور لي  

وعينيه شغلوني 

إدوني ميعاد وصوا فيا  

تاني ناصيه قبالي  

ويا ريت ما أتأخر   

ده ما نامشي  

ولا حتى ثواني

عيشني في حلم وطال  

ليلي أشواق وأماني 

ومشيت على بر هواه  

خايفه تاه بيا مكاني 

قلبي بيقوللي إرجعي تاني

زاد عندي الخوف  

قربت شويه لقيته هايم 

في غرام مع جارتي  

آه يانا يا حظي وأيه ذنبي  

في الوهم غرقتي

غمضت عينيه لا كان ليا  

ولا حس غرامي 

عشيمت فى قلبي وخيلي بيا

هديت أحلامي  

أمسح في دموعي  

مشيت تايهه  

راح فين باب دارنا  

وأتمني الليل يجي يداريني 

ولا أشوف باب جارنا

وأعاتب نفسي لا من سني  

دي ضفيرتي كسوف

لكفيت في حالي أنا بردانه  

وهموت من الخوف 

ولا مرة ناديته غير عمو  

والباب مفتوح

عشت أنا في الوهم وصدقته 

يإحساس ملهوف

ونسيت إن أنا قلبي صغير  

بيتهجأ حروف 

تلميذه لا فكت ضفايرها  

بتأخد مصروف 

ده الحب لا طايل شباكنا  

ليه أشب وأشوف

على طول بيقولوا  

لسه صغيرة لسه صغيرة  

ستايرها كسوف  

أصبروا بس إنتوا كده عليا 

يجي يوم ونشوف  

لسه صغيرة 

هنشوف  

بقلم .. صبري رسلان