بنهي حكايتنا …

بقلم … ياسر فؤاد الجدي

……… بنهي حكايتنا ……..

********************

خلاص مابقيتش محتاجلك 

ولا قلبي بيشتاقلك 

ولا عيني بقت تبكي

على بُعدك وتندهلك 

قسيت المر في حبك

مابين ظلمك وبين هجرك 

وبين قلب اتكسر مرات

لأنه يوم عشق قلبك

غدرت كتير وسامحتك

ده غير الكدب وخيانتك 

وهجرك ليا خلاني

بكون جنبك ومش جنبك 

غلط وغلطتي انت 

عشان قلبي في يوم حبك

انا الطيب وقلبي ده 

ماخانش لا قبل ولا بعدك

خلاص أنا بنهي حكايتنا

وبطوي صفحتي عندك 

ومش ندمان ومن قلبي 

بقولك ربنا يسامحك .. 

بقلم … ياسر فؤاد الجدي