اغسلي من دمه إيدك …

كلمات الشاعرة 

وفاء على

اغسلي من دمه إيدك 

مثلي انك حزينة 

زودي الاحساس شوية 

لجل يعني ماتقنعينا 

إنه لما كان بيغرق 

كنتِ لعينيه السفينة

انشري ع الفيس حكايته 

ماتقوليش ان انتي خاينة 

قولي موته ماكانش ذنبك 

كنتي يعني لعرضه صاينه

واللي باين للخلايق

 جهل منهم أو غباوة 

وامسحي م المخ اسمه

 وانكري قصة #شقاوة

وان لما عرفتي غيره 

مش ضروري تكون دناوة 

  قولي انه كان مآمنك 

فكر انك شايله همه

ظن إن علاجه عندك 

وانت كنتِ قاصده سَمه

اشمتي جدا وقولي

انه كان كداب وظالم 

عند ربك فيه خصوم 

بكره تترد المظالم 

كلمات الشاعرة 

وفاء على