بقلم الكاتب والأديب … عبـاس ابـو عـادل

 ذليـل الخيـانـة …

ياااا ريت الحلـم مگلوب دخـان

ولا اشوفه يتدكدك حجر باوهامي

ويا ريت الامـل بالفـرج مـا كـان

ولا ألمـس طريقة بـ واقـع اقدامي

ويا ريتـك غبت باحضـان دفّـان

ولا جمـرة خداعـك ترتسـم ضامي

الشهـامة البيّه تردم باب سلطان

وخداعـك مگبـرة وذبحـت سلامي

انــازع وانتخيتـك وانـي غرگان

ويا بيـرك صلف كـل نيتـه بحِمامي

ابيض ظني بيك وماني طمعان

يا ظنك ظلم وسبب حلكة ظلامي

مـا مبري الذمم والكان ما هان

اربعينك والزمن عَدّ سنينك ايامي

يهوّنها الذي باچر يحط ميزان

وكـل صـاحب ذنب باوزاره حامي

زرعتلكـم . ورد بگليبي بستان

وحصدتوني ابغض والجرح دامي

يا فشلة سنيني وشيبي ينهان

وحلم اصباي صُبحي أُمّ الحرامي.

..

صبـاح أگشر يا صبوحه مو صبيحي

بكِدر مظلم وغت طبعه مو صبيحي

صباح .. الچان باحلامي

صباح .. المـاي للـ ضـامي

صباح .. الـ بالوصف بلسم

صباح .. بـ كل زينـه محـزّم

صبيح اليغدر الصاحب مو صبيحي

صبيحي مات . مات بيوم العاد اليّه.

بقلم الكاتب والأديب … عبـاس ابـو عـادل

. العـــ🇮🇶ـــراق