……المنافق……….

……المنافق……….

كلمات الشاعر
وحيد علي الجمال

اللي قالك قال عليك
واللي بلغ لك كلامي
كان مبلغ برده فيك
كان حريص يكسب رضايا
نفس حرصه ينول رضاك
سر مصلحته الحكايه
وقتها بيكون ميزانه
اما ليك أو عليك
له لسان في الشهد سكر
لو سمعته تدوب وتسكر
كل مايشوفك يكبر
بالمديح يفضل يسطر
شد في اقلامك وخطط
حلمنا هيكون ويكبر
كف إيدك منه نشرب
يالي كل الحب فيك
لو تغيب عنه في ثواني
يلعن البطن اللي جابت
من صوابع كف رجلك
حتى اخر شعر راسك
هو ده طيع المنافق
عمره مره ماكان مفيد
الخراب يرمي في اساسه
والعمار ينخر بسوسه
يالله قوم بالجزمة دوسه
اوعي يوم تبكي عليه

كلمات الشاعر
وحيد علي الجمال