الرب رب قلوب

الرب رب قلوب

طب كونى ليه معيوب

هزيت نخيل الروح

حدفنى ليه بالطوب

….

معرفش لية وازاى

الدنيا صبحت ناى

انا ليه حزين جدا

مش طالبه اشرب شاي

…

كائن غريب محدوف

داير يطوف ويشوف

ولا لاقى لى حدا

عيني ماليها الخوف

…..

سطر أساطيرك

اكتب تعابيرك

الصيف صبح بردا

لو جتلى ح حكيلك

……

قالولي انت(ميداس)

طب ليه بقيت محتاس

الوحشه ف اديه

كات تتقلب ذهبا

اه من عنيها الناس

…..

لو كنت لا تدرى

وقتك خلص بدري

الدنيا بينا رايحه

وقلبي ساب صدرى

….

الروح كانت حاضرة

وانا داخل الحضرة

البنت كات ناضرة

شوقي ما فيهش ذنوب

كلمات الشاعر

أبواليزيد جيفارا