وواقفة الساعة مش ماشية
وتمشي إزاي وإنت بعيد ؟؟؟
واعمل نفسي مش مجروح
واداري ببسمتى التجاعيد
وامثل فرحة مش لايقة
واعمل نفسي حد سعيد
…
وواقفه الساعة مش ماشية
عشان قربك ماهوش مكتوب
تحس ان الحياة صبحت
ميزان ظالم هرم مقلوب
ومن امتى الساعات بتمر
وقلبي بعيد عن المحبوب
…..
وكل الحلو يصبح مر
ما دام الحلو من غيرك
يا بنية حمام دافية
لكن قاسية على طيرك
يا صورة ساكنة ف النني
وتايهه ف خطوط سيرك
….
وانا ف وسط البشر حاسس
برغم اللمة إنى وحيد
لأنك عندى كل الناس
وإنت وبس بالتحديد
وواقفه الساعة مش ماشية
وتمشى إزاى وإنت بعيد ……
كلمات
الشاعر سمير حلمي
Discussion about this post