ثورة قلب

قلب انْتَفَضْ
فَكَّر لِنَفْسُّْه فِ الحياة
حاوِل يكَسَّر كل قيد
ماسِك ف روحه
عمل جِناحُه طوق نجاه
علِّم علی كل الوجع
ونادی حلمه الِّلي ارتَجَع
شَبَط ف بوح قلبُه النَّدي
حَلَف وأقسم يبْتِدي
جمَّع ف كفُّه كل معنی اشتاق إليه
وبص ع العُمر اللِّي باقي وحن ليه
لابد يبدأ ثورته
شاور لنَبَضات الحَكاوي كلَّها
ورسَم لها
راية وشِعار
شبِّك حنينُه ف كل نبضه
من حكاية حلم بها
واتجمَّعِت
دقات قلوب مع بعضها
ونَزَلوا مِيدان الحياة
رافعين رَاياتْهُم دافيانين
ماشين بقوة نبضهم
أصل الحياة رَجَعِت لهم
لكنُّه قلبي الِّلي انْتَفَض
لسَّاه حَزين
وقف علی جسر الحنين
وشافها ضَلْمَة سِكِّتُه
فكَّر…..رجع
تاني لحُضن مِخَدتُه
مفيهاش لاثورة ولاميدان
مفيهاش أمان
رجَّع ف روحُه نَفْضِتُه

كلمات الشاعرة
منى عبد الرحمن