لا أنا ساحر ولا مشعوذ ولا حاوي
كلمات الشاعر
محمود رمضان
لا أنا ساحر ولا مشعوذ ولا حاوي
دا أنا ابن شطوط النيل
وبالفطره أنا مداوي
وتخرج من إيديا خيوط
بتغزل توب وتبني بيوت
وعرقي رحلة الغاوي
هوايتي الف كالساقيه
وصوتها ضحكتي الساقيه
وفي ذي آلات ساقيه
ما جبش سيرتها ليه الراوي
لا أنا ساحر
ولا مشعوذ
ولا حاوي
عشان يعني
بموت وبقوم
عشان بضحك
وانا مهموم
عشان في سواد الليل
بتوصلكم تراتيلي
وواقف لسه علي حيلي
عشان بتبصوا ع القمري
اللي كان بيحط فوق كتفي
يغنيلي
ولما جراحي بتزيد
ودمي يسيل في يوم عيد
ملايكه بتيجي وتداوي
بقيت حاوي
ما انا ابن شطوط النيل
وبالفطره انا مداوي
وتخرج من إيديا خيوط
بتغزل توب
وتبني بيوت
وعرقي رحلة الغاوي
هوايتي ألف كالساقيه
وصوتها ضحكتي الساقيه
وفي ذي آلات ساقيه
ما جبش سيرتها ليه الراوي
لا أنا ساحر
ولا مشعوذ
ولا حاوي
كلمات الشاعر
محمود رمضان
Discussion about this post