بيتوجع فينا الحنين
وبيقلب علينا الكلام ضمه
من ألف عام
هي كانت حضن صافي
طول وجودها جنبنا مدفي
الحنايا وأكثر
حتى قلبي الموجوع بيبكي
ألمها ومرارة غيابها
هي أم الحكايات والحروف
والكلام
تعجز كل الروايات عن رسم
صورة وفاء روحها ع الدوام
هي نبض مختلف المسافات
تترسم جوايا ضحكه
لما اشوف منها السكات
والدمعه تنط من عيني
لما تطبطب عليا وتقولي
ياغالي فينك هناك ليه تغيب
وأنا عشت اترجى وجودك
وسؤالك عندي أحلى هدية
مناسبات
ياابن روحي أنت حلمي
وأنت قلبي وأنت أمنيات
الشتات
كبرت فيك التقوى والخوف
لربك والسعي للخير ونصرة
الحق وإلتزام الصوم والصلوات
وسألت ربي تكون سندي
وتروي تاريخ جدودك حد تاني
من ولاد البركات
تكون سعيد تفرح بولدك
ويرزقك ربك رزق حلال
تنعم براحه توفيك عمرك
اللي آت
وتحقق الأمنيات يابن ظني فيك
بكون مرتبالك حسن الظنون
وادعي وأأمن بالساعات
مهو أنت روحي وروح روحي
وابن بطني وميلادك يومها
قاله العمده نور بيتنا خلاص
يابنات
أنا ضميت ضلوعك وحميت
قلوعك وباركت حلمك ونظرة
عيونك ورغبتك تكون حد تاني
غير كل عايشين ع البساط
سحر ابتسامتك ونقاء قلبك
وطلة وجودك دايما تكون
صفاتك ولون بلوغك صدر
الحبايب ع الدوام
ماهو انت حلمي وآخرة صبري
وكل منايا أشوفك في أعلى
حته فوق أعظم المنصات
بكره ان شاء ربك تألف كتاب
وترتب ديوان يكون علامه
للناس تقرأه وتشاور عليك
كأنك حافظ هبات
ويكون بيانك فارق في دربك
ويغير تاريخ مخطوط بشكل
حذف من جيلك مجد الثبات
مهو انت عمري وكل كلي
وهمس روحي ودم شرياني
اللي نابض بحبك موطن حياة
قولت يا أمي حبيت وجودك
وحنية قلبك ونبض روحك
ومشيت بحسك ودعوة لسانك
ليا العمر كله انتي الصراط
والقلب مهما حس وكتب القلم
فيك المشاعر عمره مايوفيك
ولو ألف روايه من الروايات
انا حرفي عاجز عن الكتابه
ما انتي الحكايه أولها حنيه
وأوسطها معيه وآخرها دعوات
تصاحب كل الأوقات
دموع تجري على خد فقدك
وبعدك عني مسافات مسافات
والشوق قتلني بكل لحظه
اجري اروحلك ما يكفي حضني
حتى الممات
غاليه وربي والكون بصملك العيد
ليك كل لحظه اعتراف مني
مش بس يومنا لكن كل
أيامك بسمات
كل عام وأطيب المنى لكل الأمهات
والرحمه جنه تروح لكل المفقودات
سلام وأطيب السلامات
كلمات الشاعر عماد شكري حجازي
الخميس 21/3/2024
Discussion about this post