حكاية قلم عاشق

من زمان وأنا باتمنى أكون
حد تاني غير حكايتي
غير روايتي
غير زماني
مش مهم أكون عظيم
أو كبير أو مبسوط
والدفا بالمال والعزوه غالبه
ع الرفوف ومتستفه الحكايه
بالميراث
وفدادين كثيره وحدايق
وكل حلم بيحلم بيه
اللي شايفين ده أمان
كان نفسي أكون بس
قلب طيب صافي من جوه
باصص لنفسه
ودافع إحساسه دايما
للخير
للحق
للعزيمه
والاراده
كنت دايما في بلدي
أبص فوق
واتخيل حلمي في السما
إني أكون رمز مجاهد
يدافع عن حق الضعيف
وينصر المظلوم
ويسند كل محتاج لهمه
أو للقمه أو لنظرة إهتمام
كان نفسي أكون شبه أبويا
صرخة الحق فيه تدوي
كون الأوفياء
والحزم همه جوه قلبه
والخوف ميعرفلوش أوان
إلا من رب العالمين
يخاف لو قرب قرش الحرام
من حبايبه ولا خوف على عياله
ولا يتفاوض عليه أي حد عشان
يكون
كان نفسي افوت جوه حيط
الظلام
اكسر جواه قالب دفن الحقيقه
عن ملكوت الرعيه الغلبانين
كان نفسي أكون حضن دافي
للغريب
وافتح بيبان الحلم لكل
تايه بالسبيل
كان نفسي أكون كلمة حياه
واقع يضوي في البلاد
ينشر رحيق العمر للبشر
ويتمنى من قلبه الميلاد
كان نفسي أخالف كل الظنون
واصنع سفينه تشرع لشط
تفرح برحلة إحضار الأميره
من هناك
كان نفسي أزف قلبي
على قلب منايا من زمان
كان نفسي اشوف
واروح واطوف
واخطف عيون رفايقها منها
واسمع ليلاتي زغروطه حلوه
بتهني القلوب
كان نفسي أكون حامي حماها
ومتسمي بعاشق أوانها كل يوم
كان نفسي أسافر جوه نظراتها
الحنون وارجع أقول
طول عمري عاشق يتحدى
الهموم
كان نفسي أكون أسير هواها
واكتب أغاني أوصف لقاها
واصرخ واقول
أنا قيس أنا المجنون

بقلمي الشاعر عماد شكري حجازي
الثلاثاء 27/2/2024